Ir al contenido principal

Marga do Val con “A cidade sen roupa ao sol” Premio da Critica 2011

Os Premios da Critica están concedidos anualmente pola Asociación Española de Criticos Literarios (AECL) e dende 1956 se otorgan aos mellores libros de narrativa e poesía publicados en España ao longo do ano anterior, tanto en castelán como en galego, esukera e catalán. Son un dos galardóns de máis prestixio, aínda carecendo de dotación económica.

Os premiados en lingua galega nesta edición do ano 2011 son Victor Freixanes pola súa novela “Cabalo de ouros” e na modalidade de poesía Marga do Val co seu poemario “A cidade sen roupa ao sol” que, en opinión do xurado, trátase dunha obra reflexiva que debuxa un universo no que a voz poética sumerxese en significativos episodios biográficos ao xeito dunha particular educación sentimental.

Parabéns dende Tudensia para Marga do Val por este galardón que premia unha obra que ten como protagonista, maís alá da propia autora, á nosa cidade de Tui. “A cidade sen roupa ao sol” é un elaborado poemario que agora recibe, logo da boa acollida por parte dos lectores, este premio que testemuña a calidade do traballo literario de Marga do Val e que coloca ás letras tudenses no panorama literario peninsular

Xa nas páxinas de Tudensia recollimos no pasado mes de decembro, coincidindo coa presentación do libro, un “post” dedicado a este fermoso libro do que recollemos estes dous párrafos:

Este poemario de Marga do Val é unha viaxe interior á unha parte da alma tudense que tantas veces temos calado, como unha autodefensa colectiva:

Reparade na cidade

onde só a lúa é transparente

onde a néboa regresa casa noite

cargada de pólvora

e o ceo se cobre de berros

de silencios atados.

(…)

Congratulámonos por esta nova publicación de Marga do Val que certifica a sua sensibilidade poética, a súa habelencia coas palabras, ás que sabe coidar para que nos enriquezan, para que ao clareo, nos axuden a sustentar a nosa existencia colectiva, dotando de nova brancura a este tecido colectivo que conformamos coa nosa memoria. A ilustración da portada é obra do tudense J. B. Jaso.

Para os interesados o enlace ao post sobre "A cidade sen roupa ao sol"

http://tudensia.blogspot.com/search/label/Marga%20do%20Val

E reiteramos a nosa noraboa a Marga do Val.


Comentarios

  1. Grazas a Tudensia e a quen está destrás. Para min o premio foi unha grande e inesperada alegría. Hoxe na miña terraza había moita roupa ao sol e Tui estaba luminoso e con arrecendo a azar.
    Saúdos.
    Marga do Val

    ResponderEliminar
  2. Noraboa para Marga do Val, quen foi quen de atrapar coas súas palabras a ialma da cidade onde habita

    ResponderEliminar

Publicar un comentario

Entradas populares de este blog

O antigo Hospital e Inclusa (actual Edificio "Francisco Sánchez") cumpre hoxe cen anos

Neste ano 2023 a cidade de Tui vive diversos aniversarios de interese, especialmente o referente ao cuarto centenario do falecemento do egrexio médico e filósofo tudense, Francisco Sánchez, sobre o que nos ocuparemos en datas próximas. https://www.facebook.com/fotosantiguastuy/photos Centrará hoxe a nosa atención outra significativa efeméride, o centenario da inauguración do Hospital e Inclusa de Tui celebrado o 1 de maio de 1923, hai hoxe cen anos, que culminaba un longo proceso de construción deste edificio. Na actualidade este antigo hospital é o Edificio “Francisco Sánchez” coñecido popularmente como Área Panorámica de Tui. É pois unha feliz oportunidade para realizar unha aproximación a historia deste edificio emblemático da nosa cidade. Un edificio creado para acoller as instalación do hospital e da casa de expósitos, ou inclusa. A historiografía ten abordado nas últimas décadas aspectos da historia social pouco atendidos tradicionalmente. O tema da marxinación social é un de

Unha nova entelequia: un Camiño Portugués de Nossa Senhora do Norte por Tomiño e Gondomar

Vivimos nun mundo mediático onde cada vez temos acceso a un maior abano de información de todo tipo, o que en principio resulta altamente positivo e enriquecedor pero paralelamente existe o evidente risco de carecer de elementos de discernimento e valorización para recoñecer o rigor e a falsidade, a veracidade e os falseamentos. Ven a conto esta obviedade para abordar unha breve reflexión sobre a noticia que en días pasados publicaron os medios de comunicación con este titular: Tras un año de investigación, la alcaldesa de Tomiño, Sandra González; el presidente de la Cámara Municipal de Vila Nova de Cerveira, Rui Teixeira, junto al alcalde de Gondomar, Francisco Ferreira, y la concejala de turismo de Redondela, María Castro; y el arquitecto e investigador Antonio Soliño, presentaron el «Camiño da Nosa Señora do Norte a Santiago», una variante del Camino de Santiago que pasa por el territorio que recogen ya los archivos históricos. No texto da noticia se afirma o seguinte: La invest

A fábrica de galletas "La Peninsular"

Temos sinalado neste blog en diversas oportunidades o descoñecemento que posuimos da historia contemporánea de Tui fronte a outros períodos históricos moito mais investigados que a nosa historia mais recente. Aspectos como a vida política tudense na primeira metade do século XX seguen esperando un achegamento como tamén os procesos e dinámicas socias desenvolvidos no noso territorio. Hoxe ofrecemos en Tudensia un post sobre a fábrica de galletas “La Penínsular” que abrangue case medio século da vida económica tudense. Achegamos a información ofrecida polo profesor de historia económica da Universidade de Santiago de Compostela, Angel Ignacio Fernández González, no seu blog “Galicia Agraria” nun documentado post sobre a industria de galletas en Galicia nos principios do século XX. Aportamos a rica e moi completa información que achega profesor Fernández algunha pequena referencia da nosa autoria colocadas como notas. http://galiciaagraria.blogspot.com.es/2012/03/gall